Bounce Raving Voyage لعبة

النهاردة معادنا مع أول لعبة تترفع على البلوج من ألعاب الأنجيج 2 للسمبيان وهى لعبة قديمة كنا كلنا بنعشقها أو على الأقل الناس اللى لعبتها فى وقتها وهى لعبة Bounce اللى لعبتها على موبايل Nokia 6610 وكانت لعبة Java قديمة وكانت لذيذة جدا جدا , وبعدها بمدة نزلوا الجزء التانى منها وأسمها Bounce Back اللى كانت ألذ وأحسن فى اللعب وشكلها أحلى وبعدها لعبتها على موبايل Nokia 6630 كانت لعبة SIS وكانت فيها مراحل كتيرة بالأضافة إلى 11 مرحلة بتزودهم انت , المهم أن اللعبة دى أنا من عشاقها من يوم مانزلت

الموضوع النهاردة بيتكلم عن أخر أصدارات اللعبة دى واللى أسمه Bounce Boing Voyage واللى أتغيرت فى أساسيتها كتير ولكن المتعة اللى فيها زى ماهى ، واللعبة أصبحت مجسمة وبقى فيها مراحل صعبة وشوية ألغاز كدة على الماشى وهى عموما لعبة ممتعة من أولها لأخرها

لتحميل اللعبة : أضغط هنا

ملحوظة مهمة على الماشى :

لازم تكون مجهز جهازك ببرنامج n-gage 2.0 اللى ممكن تعرف طريقة تحميلة من هنا

ولازم تكون كاسر حماية الموبايل اللى برضة ممكن تعرفها من هنا

كمان ملحوظة مهمة : الملف اللى هتحمله فوق بتاع اللعبة بأمتداد n-gage ودة عادى ، وهتحطة على الميمورى كارد فى ملف أسمه n-gage ولو مش موجود هتعمله أنت وتحط فيه الملف ، وبعدين تفتح برنامج الأنجيج اللى أسم أيقونته Games وهيبدأ معاك التسطيب علطول من نفسه وهتختار فقط مكان التسطيب اللى أنصحك بالميمورى فيه لأن معظم مساحات ألعاب الأنجيج بتبقى كبيرة

أسيبكم مع صور للعبة

أول صورة بتتكلم عن ال Loading المزعج للعبة اللى بياخد وقت طويل

وتانى صورة بتتكلم عن القايمة الرئيسية للعبة

تالت صورة بتوضح أن اللعبة ممكن تتحكم فى المفاتيح بتاعتها ولو أنى أنصحك أنك تأقلم نفسك مع المفاتيح الأصلية

الصور اللى جايه دى مناظر مختلفة من مراحل مختلفة من اللعبة

الصور اللى جاية بتوضح ال Boss اللى بتلاعبه فى نهاية اللعبة

عموما أنا ليا شوية ملاحظات على اللعبة كالمعتاد :

- اللعبة مملة جدا جدا فى التحميل Loading هتخليك تتشل فى الأنتظار

- تانى حاجة ان اللعبة قصيرة جدا ومراحلها مش كتيرة زى زمان

المطعم الشيك

الله هو أيه الموضوع ؟

الحكاية ومافيها أنى رحت قريب مع ناس أعرفهم لكى نأكل فى مطعم ( جامدة الفصحى دى) ، المهم جاه الوايتر الشيك بالقائمة الشيك وأحنا قاعدين على الترابيزة الشيك فى المطعم الشيك

طبعا كل شخص جالس طلب الأوردر اللى هو عايزه عشان ناكل ، وطبعا بما أن الخدمة سوبر ستار فالأكل ما أخدش أكتر من ساعة الأ ربع فقط !!!! المهم قاعدين بناكل وكل دة وأحنا مش واعيين للى بيحصل واللى هييجى فى الفاتورة بعد كدة

نص ساعة بعد ما الأكل جه كان الأكل خلص وأتشطب وأحنا مبسوطين وتمام والقاعدة كانت تماموز على الأخر فى المطعم الشيك والتكييف اللى شغال شيك والناس اللى قاعده شيك

وفجأة وبدون مقدمات جات الفاتورة ( الشيك برضة ) وكانت مليانة أرقام شيك بتوضح كل مليم أنت بتدفعه راح فين وأنت طلبت بيه أيه ، وفى الأخر كاتبيين خدمة بتاع كذا % كدة وهوب الحساب دخل فى ….. وأستعدوا للمفاجأة 250 جنية (شيك برضة) دة غير الخدمة وطبعا متنساش التبس بتاع الوايتر الشيك اللى بيكللمك بكلام شيك

كل دة مع العلم أن اللى أتطلب حاجات مش من اللى هيا يعنى ، طبعا أنت شاب شيك وقاعد فى مكان شيك فلازم تطلع محفظتك الشيك وتحاسب على الأكل اللى أكلته والأ ………….. ولا بلاش

أنتهى الموقف ودة اللى خلانى أفكر هل أنا كل لما أحب أكل فى مطعم شيك أنا وأى شخص معايا شيك هدفع 250 جنية!!! طيب فلنفترض أن الموضوع دة مش بتكرر الأ كل فين وفين هل مثلا واحد نازل مع خطيبته وواخدها مطعم هيدفع المبلغ دة كل ما يحب يتكلم معاها فى مكان كويس

يعنى أقل واجب هاخد خطيبتى أقعد معاها فى كافية نضيف وبرضة هدفع حساب مش هيقل بأى حال من الأحوال عن 80 جنية أو أكتر ، أنا مش بعلق على المبلغ على الرغم من المبالغة فيه أنا بعلق على السبب اللى يخلى أسعار حاجات زى كدة يعلى بالطريقة دى

أيه اللى يخلى ماج الكابتشينو مهما كان يوصل ل 27 جنية!! هل بيتشرب لوحده ؟؟؟!!! أو حتى مستورد من بروباكان أو ذهلان

ياريت لو حد يعرف يجاوب عليا يبقى يكتبلى ويوضحلى عشان أنا مش فاهم السبب فى الأسعار دى

وكل شيك وأنت طيب والمرة الجاية وأنت نازل مع أى حد تعرفه أبقى عدى على مطعم بعره العفش اللى بيبيع الساندويتش بجنية ونص وقضيها وأهو كدة كدة هتملى التانك وعلى رأى تيمون وبومبا : هاكونا ماطاطا ، وميهمكش التسمم اللى هيجيلك المهم أنك تبقى مبسوط وأنت بتاكل وأديها طناش

عموما أعمل بالنصيحة اللى قلتهالك فى الأول وكل فى بيتكم

Google Chrome متصفح

المقالة دى بتتكلم عن برنامج المتصفح الرائع Google Chrome اللى مفيش أسهل منه فى رأيي الشخصى

البرنامج خفيف جدا جدا ولا يستهلك من ذاكرة الجهاز الأ القليل فلو uايز متصفح خفيف وسهل ومش معقد أنصحك بتجربته أضغط على اللينك اللى جاى دة

أضغط هنا

المتصفح رائع جدا وأذهلتنى سرعته الرهيب وجودته زى ما أتعودت دايما من برامج شركة جوجل اللى فى نفس الوقت مجانية للجميع

دة شكل المتصفح العام

المتصفح فيه خاصية Most Visted Sites اللى عجبتنى جدا جدا وفيها بيحط المتصفح فى صفحه بدايته أخر أكتر مواقع زرتها عشان توصلها بسولة رهيبة

برضة المتصفح فيه خاصية أسترداد الصفحات زى FireFox وشغالة كويس حتى لو الكهرباء قطعت أول ماهتفتحه تانى ختلاقيه فتحلك نفس الصفحات بنفس الترتيب عشان شغلك مايضيعش

المتصفح فيه خاصية Icongnito اللى بتخليك تتصفح بدون ترك أى أثار على جهازك يعنى ولا المواقع هتتحط فى ال History أو حتى فى ال Search وكمان مش بيحط أى Cookies على الجهاز أو أى شئ

وطبعا زى ماجوجل بتعمل نشرت روحها المرحة حتى فى المتصفح اللى بيأكد سهولته وعفويته ، أتفرج فى الصورة اللى جاية على المتصفح لو علق ، وعلى فكرة أنا اللى قفلته من Task Manager لأنه مش بيعلق خالص ومحصلتش معايا أبدا ، هتلاقيه كاتب Awwww Snap! ودى لمسة مرحة جدا من جوجل

عموما جرب المتصفح وقوللى رأيك فيه عشان أنا أعجبت جدا بسهولته

ليا بس شوية تعليقات على المتصفح :

الأول : هو أنه بييقلب الصفحات Scrolling بسرعة غريبة ومفيش أى أعدادت بتتحكم في الموضوع دة

التانى : أن المتصفح لسه مش بيدعم الأضافات Plug-ins أو الـ Addons عشان تضيف لسه أمكانيات

عموما أحنا مش هنعلق المشنقة لجوجل دى لسه نسخة بيتا Beta يعنى لسه حتى مش الأصدار الأول ويارب الحاجات دى تتحسن فى الأصدارات اللى جايه ، جربه وقوللى رأيك

N-gage 2.0 تصطيب الأنجيج

عشان تلعب على الموبايلات الجديدة من نوكيا صح لازم تسطب الأنجيج 2 أو الجيل الجديد من الأنجيج

الحكاية ومافيها أن نوكيا أخدت بالها أن مبيعات موبايلاتها القديمة من الأنجيج فاشلة وأن الفكرة فى أن أنا أشترى موبايل عشان اللعب بس مش كويسة ، فالناس عايزة تلعب على أى موبايل تشتريه ، فعشان كدة نوكيا أطلقت ألعاب الأنجيج 2 اللى بتشتغل على أى موبايل شرط أنه يكون بيدعمها

المهم أن الألعاب دى بتكون بفلوس طبعا ، أتباعا لمبدأ لو عايز تلعب أدفع يا حلو ، بس ربنا يخليلنا حبايبنا الناس الكراكرز اللى بيجيبولنا كل شئ ببلاش

الأول حمل الملفين دول

n-gage.sisx

Patch.sis

لو فتحت القايمة عندك فى الموبايل هتلاقى أيقونة الأنجيج برتقالية زى الشكل الأتى

ده معناه أن عندك الأصدار القديم اللى مش هتعرف تحط عليه ألعاب كاملة طيب أيه الحل ؟؟ أنت فاكر اول ملف حملته من الصفحة هتبعته لموبايلك سواء بالبلوتوث أو بالكابل أى كان وهتسطبه هتلاقى أيقونة الأنجيج بقت زرقاء

ملحوظة هامة جدا : هتلاقى أيقونة الأنجيج الزرقاء بعد التسطيب دخلت جوه فولدر Applications بس أنا طلعتها بره لسهولة الوصول ليها

بعد الخطوة دى هتسطب ملف Patch.sis عشان يخلى الألعاب كلها كاملة وليست ديمو أو تجريبية

ألف مبروك عليك وأن شاء الله هتابع رفع الألعاب فى المستقبل على البلوج كل لعبة فى بوست منفصل وشرح بالصور كمان